របៀបធ្វើ សម្លរខ្ទិះទំពាំង

#គ្រឿងផ្សំ

- ទំពាំង ២ខាំ (ហាន់ស្តើងៗស្ងោអោយឆ្អឹន)

- សាច់ទ្រូងមាន់ ២ខាំ (ហាន់ស្តើងល្មម)

- គ្រឿងការី ២ស្លាបព្រាបាយ

- ខ្ទិះដូង (ក្បាលខ្ទិះ) ១ចានចង្កិះ

- ខ្ទិះដូង ២ចានចង្កិះ

- ស្លឹកក្រូចសើច 2សន្លឹក

- ទឹកត្រី ២ស្លាបព្រាបាយ

- ស្ករត្នោត ១ស្លាបព្រាបាយកន្លះ

- អំបិល បន្ទិច

- ស្លឹកជីនាងវង

- ម្ទេស ហានប្រឆិតៗ

#របៀបធ្វើ

- យកឆ្នាំងដាក់ខ្ទិះដើមចូល ដាំលើភ្លើងរួចដាក់គ្រឿងការីចូលកូអោយសព្វ ដាំអោយពុះ សឹមសាច់ចូល កូអោយសព្វទុកប្រហែល១នាទី។

- ដាក់ខ្ទិះដូង និងទំពាំងចូលកូអោយសព្វ សឹមដាក់ទឹកត្រី អំបិល និងស្ករ រួចកូអោយសព្វម្តងទៀត រួចទុកអោយពុះប្រហែល៣ ទៅ ៥នាទី។

- ដាក់ស្លឹកក្រូច ស្លឹកជី និងម្ទេសចូលកូអោយសព្វទុកប្រហែល១នាទីជាការស្រេច៕

ប្រភព៖ អ្នកស្រី សុគន្ធារី